Thursday , May 26 2022
Leni Robredo Bongbong Marcos

Marcos ‘buntot nabahag’ sa debateng hamon ni VP Leni

TINANGGIHAN ni presidential aspirant Ferdinand Marcos, Jr., ang hamon na one-on-one debate ng katunggaling si Vice President Leni Robredo.

Sinabi ng tagapagsalita ni Marcos na si Atty. Vic Rodriguez, kailanman ay hindi mangyayari ang debate na hinihingi ni Robredo.

Muling nagtago ang kampo ni Bongbong sa gasgas nitong dahilan na ayaw ng debate dahil mas gusto nila ng positibong pangangampanya.

Ikinasa ni Robredo ang hamon kay Marcos dahil siya na lang ang hindi humaharap sa taongbayan sa isang debate kasama ang iba pang kandidato.

Ayon kay Robredo, magandang paraan ang debate para masuri ng mga botante ang mga kandidato at maikompara ang kanilang mga plano, programa, at pagkatao.

Nais ni Robredo, sagutin ni Marcos sa harap ng taongbayan ang mga kontrobersiyang kinasasangkutan niya at ng kanyang pamilya.

“We owe it to the people and to our country. Kung papayag po kayo, anytime, anywhere, darating ako,” ani Robredo.

Isa sa mga kinakaharap na isyu ni Marcos ay ang utang na P203 bilyon ng kanyang pamilya sa estate tax na hanggang ngayon ay ayaw nilang bayaran.

Inatasan ng Korte Suprema ang pamilya Marcos na magbayad ng P23 bilyon sa estate tax halos 25 taon na ang nakalipas. Umabot na sa P203 bilyon ang utang dahil sa interes.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …