Saturday , May 28 2022

Kapalpakan ng Pulse Asia ibinuking
RESULTA NG HALALAN POSIBLENG MALAYO SA SURVEY

IBINUKING ng dating Secretary General ng National Statistical Coordination Board (NSCB) na posibleng maging malayo ang resulta ng halalan sa Mayo sa datos ng Pulse Asia survey dahil sa ilang mga sablay ng polling firm.

Sa isang artikulo, sinabi ni Romulo Virola, napansin niya sa pa-survey ng Pulse Asia noong 18-23 Pebrero, kulang ang kinatawan mula sa mga kabataan o iyong tinatawag na Gen Z at millennials kung ikokompara sa voting age population ng Philippine Statistics Authority (PSA).

Binanggit niya, ang 18-24 age group o iyong mga isinilang sa pagitan ng 1998 hanggang 2004 ay “underrepresented” ng 46 porsiyento.

Sa 25-34 age group o iyong mga isinilang sa pagitan ng 1998 hanggang 2007, sinabi ni Virola na kulang ang kinatawan mula sa nasabing hanay ng 12 porsiyento.

Pagdating sa 18-41 age group, kulang ang kinatawan nila ng 16 porsiyento.

Aniya, malabo kung ikakatuwiran ng Pulse Asia na hindi interesado ang mga nasabing age group na lumahok sa survey.

Sobra ang kinatawan sa sample ng Pulse Asia ng 46 porsiyento ang mga nasa edad 55 hanggang 64 o iyong mga isinilang sa pagitan ng 1958 hanggang 1967.

Sa hanay ng 65 anyos pataas, nasa 38 porsiyento ang sobra.

Sa pagtaya ni Virola, posibleng maging malayo ang resulta ng darating na halalan sa mga survey na inilabas ng Pulse Asia dahil sa mga problemang ito.

“The Pulse Asia 18-23 February survey could be way off!” wika ni Virola.

Dagdag niya, posibleng may mga kandidato na sisigaw na sila’y dinaya kapag lumabas ang resulta ng eleksiyon sa Mayo.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …