Friday , May 27 2022
Quezon City QC One Planet City Challenge

QC finalist sa One Planet City Challenge

FINALIST ang Quezon City (QC) sa One Planet City Challenge (OPCC) ng World Wide Fund for Nature (WWF), isang global competition na kumikilala sa mga lungsod para sa kanilang climate change action at ambition.

Dalawang siyudad pa sa bansa ang nakasama ng QC sa nasabing competition, ang Davao City at Dipolog City, na napili ng WWF sa 16 siyudad na sumali sa timpalak.

Ang One Planet City Challenge ay isang “friendly global competition” sa inisiyatiba ng WWF na kilalanin ang mga city o siyudad na gumagawa ng mga programa at polisiya ukol sa climate change na kaakibat sa Paris Agreement.

Ayon sa United Nations Environment Programme, ang pagbabago ng klima o climate change ay tunay na nakaaapekto sa lahat ng buhay ng mga naninirahan sa mga siyudad.

Ang pagtaas ng temperatura halimbawa, ay nagdudulot ng pagtaas ng tubig dagat, na maaaring lumikha ng pagbaha, bagyo at maging tagtuyot.

Kasama na rito ang pagsulpot ng mga vector-borne at water-borne diseases. Ang mga karamdaman na ito ay maaaring makaapekto sa populasyon.

Ang mga siyudad ang malaking nakapagdudulot ng climate change, dahil ang mga kaganapan sa urban areas ang pinanggagalingan greenhouse gas emissions.

Ito ay tinatayang nasa 75% ng global CO2 emission, sanhi ito ng mga aktibidad sa siyudad kasama na ang transportasyon at mga itinatayong mga gusali.

Kaya naman, ang ibang siyudad ay nagsusumikap at gumagawa ng paraan para maibsan ang problema sa climate change, gaya ng paggamit ng renewable energy, paglalatag ng mga regulasyon na naglilimita sa mga industrial emissions at mga batas na makapagbibigay proteksiyon sa kapaligiran.

Ikinagalak ni Quezon City Mayor Joy Belmonte, ang pagkakasali bilang finalist ng kanyang siyudad at itinuring na itong isang malaking karangalan at pagkilala para sa lungsod.

“Proud po tayo na mapabilang sa ganitong patimpalak na kumikilala sa LGUs ng Filipinas at kinikilala ang mga ginagawa nating mga programa para sa pangangalaga ng ating kapaligiran at kalikasan,” ani Belmonte.

About hataw tabloid

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …