Friday , March 29 2024
Win Gatchalian Alfonso Cusi Malampaya DoE
QUEZON CITY — Ipinapakita ni Senate Committee on Energy chairman, Senator Win Gatchalian ang kopya ng resolusyon ng senado at mga dokumento at ebidensiya ng resulta ng imbestigasyon ng komite kasunod ng rekomendasyon sa Ombudsman na sampahan ng kaso si Energy Secretary Alfonso Cusi at iba pa sangkot, ukol sa maanomlyang Malampaya deal. (NIÑO ACLAN)

Cusi, 11 opisyal ng DOE ipinaasunto ni Gatchalian

INIREKOMENDA kahapon ni Senate committee on Energy Chairman Senator Win Gatchalian na kasuhan ng graft si Energy Sec. Alfonso Cusi at 11 opisyal ng Department of Energy (DOE) dahil sa maanomalyang bentahan ng shares ng gobyerno sa Malampaya gas project.

Pinangunahan ni Gatchalian ang transmittal ng Senate resolution para irekomenda na sampahan ng graft si Cusi at iba pang opisyal nito sa anti-graft body.

Ang laman ng committee report ang rekomendasyon ng senado na sampahan ng patong-patong na kasong paglabag sa graft and corrupt practices act, gross neglect of duty, at grave misconduct laban kay Cusi at 11 pang opisyal ng DOE .

Nauna rito, magugunitang si Gatchalian ang nagsulong ng imbestigasyon matapos ibenta ng DOE ang 45 percent sapi sa Malampaya gas project sa isang indirect subsidiary ng Udenna corporation.

Sa interview ng media iginiit ni Gatchalian, malinaw na pinaboran ng DOE ang Udenna Corp., na may kapital na P6.9 bilyon.

Bunga ito ng imbestigasyon ng Senate Committee on Energy na lumitaw na minadali ng DOE ang pag-aproba sa pagbebenta ng 45 percent sapi ng Chevron sa kompanyang UC Malampaya na subsidiary ng Udenna Corp., na aniya’y kapos sa financial capability.

Ayon sa ulat, aabot sa P40 bilyon ang halaga ng Chevron shares na ibinenta ng DOE, sa Udenna Corporation na pagmamay-ari ng negosyanteng si Dennis Uy, ang shares ng gobyerno sa Malampaya gas project. (NIÑO ACLAN/ALMAR DANGUILAN)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …