Wednesday , May 25 2022

Publiko pinag-iingat sa mga pekeng survey

PINAG-IINGAT ang publiko ng samahan ng mga “politicial analyst at statistician” hinggil sa mga kumakalat na mga pekeng survey sa bansa.

Ayon kay Ralph Rodriguez, tagapagsalita ng grupo, dapat ay maging maingat ang publiko at huwag maniwala sa mga ‘fly-by-night’ survey results.

Naging sentro ngayon at usap-usapan ang Pulso ng Pilipino “The Center” o Issues and Advocacy Center sa usaping “political surveys”.

Sinabi ni Rodriguez, ang “The Center” ay isang Public Relations o PR consultancy na pinatatakbo ng isang tao lamang.

“How can you do or conduct political surveys na hindi naman siya eksperto—kung “pr man” ka ibig sabihin nagpapabango ka ng politiko, ayon kay Rodriguez.

Sa pahayag ni dating secretary at mayor Hernani Braganza, na pamangkin ni dating Presidente Fidel Ramos, walang koneksiyon ang dating pangulo sa taong nagpapatakbo ng The Center at lalo sa kaniyang opisina.

Makikita sa mga resulta ng inilalabas na survey ng The Center sa mga nakaraang eleksiyon, na palaging pagkapalpak.

Ilan dito ay noong 1998, lumabas sa survey ng The Center na panalo raw si Joe De Venecia, sumunod ay sure winner naman daw si Manny Villar (2010), pero natalo ng malaking margin sa Presidential race.

Maging sa lokal na halalan, si Pres. Ridrigo Duterte at Mayor Inday Sara siguradong talo na raw sa pagka-mayor and vice mayor noon sa Davao City pero nanalo nang landslide.

“Nababahala kami dahil maaaring gamitin ng mga illegal survey group para ikondisyon ang utak ng mga botante. Ayaw natin mangyari ‘yan kaya mag-ingat tayo,” pahayag ni Rodriguez.

Nabatid, ang mga lehitimong political survey firm sa bansa ay ang Social Weather Station (SWS), Pulse Asia, Ibon Foundation, Publicus Asia Inc., RP-Mission and Development Foundation Inc. (RPMD), Laylo Research Strategies at Philippine Survey and Research Center (PSRC).

About hataw tabloid

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …