Monday , August 8 2022
Bigti suicide feet paa

Iniwan ng girlfriend
18-ANYOS NAGBIGTI SA CICL SHELTER

MATAPOS hiwalayan ng girlfriend, isang youth offender ang nagpakamatay sa pamamagitan ng pagbibigti sa loob ng temporary shelter para sa mga kabataan na may nakabinbing kaso sa Malabon City, kamakalawa ng gabi.

Ang katawan ng 18-anyos biktima ay nadiskubre ng 16-anyos binatilyong kapwa youth offender dakong 8:30 pm sa second floor ng Bahay Pag-asa Shelter sa Langaray St., Brgy. Longos.

Sa ulat ni P/SSgt. Jeric Tindugan kay Malabon City police chief P/Col. Albert Barot, nagtungo ang 16-anyos youth offender sa second floor ng shelter upang patayin ang ilaw nang makita nito ang katawan ng biktima na nakabigti gamit ang kumot na nakapulupot sa kanyang leeg at ang kabilang dulo ay nakatali sa beam ng kisame ng corridor ng shelter building.

Kaagad humingi ng tulong kay Emil Felipe, 33 anyos, security guard ng facility ang 16-anyos binatilyo saka mabilis na isinugod ang biktima sa Lorenzo Ruiz Women and Children Hospital sa Brgy. Santulan ngunit  idineklarang dead on arrival.

Sa isinagawang imbestigasyon, napag-alaman ng pulisya mula sa kanyang roommates at iba pang social workers ng shelter na kamakailan ay nagtangkang magpakamatay ang biktima sa pamamagitan ng pagtalon sa gusali ngunit napigilan ng iba pang children in conflict with the law (CICL).

Narekober din ng pulisya ang cellular phone ng biktima na naglalaman ng mga mensahe na naka-address sa kanyang ina at ipinapaalam ang tungkol sa kanyang pagpakamatay dahil sa homesickness at heartbroken matapos umanong hiwalayan ng kanyang girlfriend. (ROMMEL SALES)

About Rommel Sales

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …