Sunday , August 14 2022

Oplan sita sinibatan
3 RIDER NASAKOTE SA P1.5 M SHABU SA KANKALOO

SA HOYO bumagsak ang tatlong rider matapos makuhaan ng mahigit P1.5 milyon halaga ng shabu nang tangaking sumibat sa mga pulis na nagsasagawa ng Oplan Sita habang sakay ng dalawang motorsiklo sa Caloocan City.

Kinilala ni Caloocan City police chief Col. Samuel Mina, Jr., ang naarestong mga suspek na sina Jeffrey Feliciano, 43 anyos; Regie Rivera, 35 anyos, messenger, kapwa residente sa Sampalok, Maynila; at Jeric Sy, 52 anyos ng 5th Avenue Brgy. 53 sa nasabing lungsod.

Sa ulat ni Col. Mina kay Northern Police District (NPD) Director P/BGen. Jose Hidalgo, Jr., dakong 12:05 am, nagsasagawa ng Oplan Sita sa kahabaan ng Taksay St., Brgy. 28 ang mga tauhan ng Tuna Police Sub-Station (SS1) sa pangunguna ni P/Maj. Jerry Garces nang parahin nila ang mga suspek na sakay ng dalawang motorsiklo dahil walang suot na helmet.

Ngunit hindi pinansin ng mga suspek ang mga pulis at tinangka pang tumakas dahilan upang habulin sila ng mga awtoridad hanggang bumangga sa nakaparadang truck si Sy at naaresto ang dalawa niyang kasama.

Nang kapkapan, nakuha ni P/Cpl. Joeph Young kay Sy ang isang nakataling plastic sachet na naglalaman ng tinatayang 100 gramo ng hinihinalang shabu, may standard drug price na P680,000.

Nakuha ni P/Cpl. Christian Malinao kay Rivera ang isang medium plastic sachet na naglalaman ng 25 gramo ng hinihinalang shabu, may standard drug price P170,000.

Samantala, nasamsam ni P/SSgt. Ernesto Camacho kay Feliciano ang isa pang nakataling plastic sachet na naglalaman ng 100 gramo ng hinihinalang ilegal na droga, may standard drug price P680,000 at isang weighing scale.

Nahaharap ang mga suspek sa kasong paglabag sa Art 151 of RPC, RA 10054 at RA 9165 o Comprehensive Dangerous Drugs Act 2002. (ROMMEL SALES)

About Rommel Sales

Check Also

marijuana

2 drug suspects timbog sa P180-K Marijuana

NASAMSAM ng pulisya ang halos P.2-milyong halaga ng ilegal na droga sa dalawang drug suspects, …

Cara y Cruz

2 Laborer arestado sa Cara y Cruz, baril

SWAK sa kulungan ang dalawang laborer matapos maaresto sa isinagawang anti-illegal gambling operation at makuhaan …

CoVid-19 vaccine

Amyenda sa Covid-19 sa Vaccination Program Act of 2021 hiniling sa Senado

HINILING ni Department of Health (DOH) Officer-In- Charge, Undersecretary Maria Rosario Vergeire sa Kongreso (MMataas …

Robin Padilla 2

Scholarship, Health Services para sa mga magsasaka isinulong sa Rice Tariffication Act

ISINUSULONG ni Senador Robinhood “Robin” Padilla ang scholarship at health services para sa mga magsasakang …

Sonny Angara Money Senate

PPP sa LGUs suportado ni Angara

SUPORTADO ni Senador Juan Edgardo “Sonny” Angara ang panawagan ni Pangulong Ferdinand Marcos, Jr., sa …