Tuesday , February 7 2023
Fire Vegetables, Sunog Gulay

P360-M puslit na gulay sinunog sa Pampanga

SINIRA at sinunog ng mga awtoridad ang may 60 container shipment na puno ng mga puslit na agricultural products sa bayan ng Porac, lalawigan ng Pampanga, nitong Lunes ng umaga, 25 Oktubre.

Tinatayang nagkakahalaga ng P360,000,000 ang mga kargamentong nasabat ng Bureau of Customs -Port of Subic (BoC Subic) na itinuturing na pinakamalaking kompiskasyon ng mga produktong agrikulutural sa nasabing pantalan.

Ayon sa BoC, idineklarang frozen bread, frozen jam, at yellow onion ang mga kargamento ngunit iba ang laman nito nang siyasatin ng mga awtoridad.

“Iba-iba ang laman nito, may carrots, broccoli, onions,” ani Agriculture Assistant Secretary Federico Laciste, Jr., ng Wide Field Inspectorate.

Sinisilip umano ang anomalya sa pag-aangkat dahil sa pagbuhos ng mga smuggled na gulay sa merkado.

Naka-consign ang mga nasamsam na kargamento sa Zhenpin Consumer Goods Trading, Duar Te Mira Non-Specialized Wholesale, Gingarnion Agri Trading, at Thousand Sunny Enterprise.

Aminado ang mga awtoridad na mahirap makipagkompetensiya sa presyo ng mga imported na hindi hamak na mas mababa kompara sa mga local produce, ngunit pagdidiin ng mga eksperto, hindi nakasisiguro ang konsumer kung ligtas kainin ito.

“May health hazard tayo kasi hindi dumaraan sa legal na facilitation, so kung wala ‘yang import permit, hindi natin alam kung may peste ba ‘yan o galing sa ano, mostly hindi ito fit for human consumption,” pahayag ni Laciste.

About hataw tabloid

Check Also

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …

Bulacan Blas Ople Daniel Fernando Alexis Castro Toots Ople

Sa kanyang ika-96 kaarawan
GAT BLAS F. OPLE MULING GINUNITA SA MGA MENSAHENG TAGOS MULA SA PUSO

“HUWAG mahalin ang posisyon kundi ang tao, at laging mahalin ang bansa bago ang sarili.” …

Bulacan Blas Ople Job

Alay sa mga Bulakenyo
JOB FAIR, MEDICAL MISSION IDINAOS BILANG PARANGAL SA ARAW NI GAT BLAS OPLE

BILANG bahagi ng pagpupugay sa ika-96 anibersaryo ng kapanganakan ni Gat Blas F. Ople, nagsagawa …

Arrest Posas Handcuff

Rank 8 most wanted person ng Nueva Ecija, huli sa Vale

NAGWAKAS ang pagtatago sa batas ng isang lalakingnakalistang rank no. 8 most wanted person (MWP) …