Friday , March 29 2024
dead gun

Rider utas sa parak (Nakipagbarilan sa pulis-Caloocan)

HINDI nakaligtas sa kamatayan ang isang 22-anyos na lalaki matapos makipagbarilan sa mga pulis sa Caloocan City, kamakalawa ng hapon.
 
Wala nag buhay nang idating sa Caloocan City North Medical Center (CCNMC) ang suspek na kinilalang si Anlou Resusta, residente sa Phase 8, Bagong Silang ng nasabing lungsod sanhi ng tama ng bala sa katawan.
 
Ayon sa ipinarating na ulat sa opisina ni Caloocan City Police Chief P/Col. Samuel Mina, nagsasagawa ang mga tauhan ng Caloocan Police Sub-Station 12 sa pangunguna ni P/Capt. John David Chua ng detective patrol sa kahabaan ng Phase 9, Langit Road, Brgy. 176, Bagong Silang dakong 5:30 pm.
 
Naispatan ni P/Cpl. Leobert Rivera ang suspek na may nakasukbit na baril sa kanyang baywang habang sakay ng isang motorsiklo.
Kaagad na sinita ni PCpl. Rivera si Resusta pero imbes huminto ay biglang pinaharurot ang kanyang minamanehong motorsiklo dahilan upang habulin siya ng pulis.
 
Nang mapansin ng suspek na hinahabol siya ng pulis, binunot nito ang kanyang baril saka pinaputukan si Cpl. Rivera dahilan upang mapilitang gumanti ng putok ang parak hanggang tamaan sa katawan si Resusta.
 
Isinugod ang suspek ng mga tauhan ng SS-12 sa Bermudez Hospital pero kalaunan ay inilipat sa Caloocan City North Medical Center kung saan siya idineklarang wala nang buhay.
 
Nakuha ng mga tauhan ng Northern Police District-Crime Laboratory Office (NPD-CLO) na nagresponde sa crime scene ang anim na basyo ng bala ng caliber .9mm pistol habang ang Armscor .9mm pistol may magazine at kargado ng limang bala ay nakuha sa napaslang na suspek.
 
Sinabi ni Col. Mina, inaalam kung may criminal background ang suspek. (ROMMEL SALES)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *