Tuesday , December 7 2021

Driver ng Uber at Grab huwag ipitin — Sen. Poe

 

NANINIWALA si Senadora Grace Poe, hindi dapat maipit ang mga driver ng Uber at Grab sa diskusyon ng Land Transportation and Franchising Regulatory Board (LTFRB), at ng Transport Network Vehicle Services (TNVS).

Ayon kay Poe, ang mga driver ng Uber at Grab ay nakapag-invest ng kanilang oras at pera, at matagal nang bumibiyahe at pinangakuan na mabibigyan ng ‘certificate of public convenience.’

“Paano ngayon sila? Sino ang mananagot diyan? Was the LTFRB’s inaction on their applications intentional?” pagtatanong ni Poe.

Napag-alaman, sisimulan na ng LTFRB ang paghuli sa mga driver ng Grab at Uber na patuloy na nag-o-operate nang walang kaukulang prankisa.

Kasunod ito nang ipinalabas na ‘cease with dispatch order’ ng LTFRB sa transport network companies.

Simula sa 27 Hulyo, hahanapan nila ng ‘certificate of public convenience’ o ‘di kaya ay ‘provisional authority’ ang mga driver ng naturang transport network vehicles. Ang mga mahuhuling walang dokumento ay maaaring pagmultahin nang hanggang P120,000 ang mga driver at operator.

Bukod dito, mai-impound nang hanggang tatlong buwan ang kanilang mga sasakyan.

Una nang inamin ng Grab at Uber na malaking porsiyento ng kanilang accredited drivers ang walang prangkisa mula sa LTFRB kaya pinatawan ng tig-P5 milyon multa ang dalawang kompanya.

(CYNTHIA MARTIN)

About Cynthia Martin

Check Also

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

PASKUHAN SA MAYNILA isko moreno

Hikayat ni Yorme
“PASKUHAN SA MAYNILA” BISITAHIN

INAANYAYAHAN ni Manila Mayor at presidential aspirant Francisco “Isko Moreno” Domagoso at ni Vice Mayor …

Cold Temperature

Pinakamalamig na temperatura naitala sa Baguio, NCR ngayong taon

INIHAYAG ng Philippine Atmospheric, Geophysical and Astronomical Services Administration (PAGASA) na naitala ang pinakamalamig na …

P500 500 Pesos

Suspek na 2 Chinese, Pinoy natakasan
MALAYSIAN KINIDNAP SA P500 RANSOM

SA KABILA ng limang daang pisong ransom money, natakasan pa rin ng Malaysian national ang …

Leave a Reply