HATAW! D'yaryo ng Bayan hatawtabloid.com
SUMUKO sa mga tauhan ni MPD Station 2 commander, Supt. Santiago Pascual si Jerson Aguilar, itinuturong isa sa mga suspek sa pagpatay sa biktimang si Juan Cullantes, 24, ng Baseco Compound, Port Area, Maynila. (BRIAN GEM BILASANO)
WALANG buhay na natagpuan ang isang 24-anyos construction worker sa Baseco Compound, Port Area, Maynila kamakalawa ng madaling-araw.
Kinilala ng Manila Police District (MPD) Baseco PCP, ang biktimang si Juan Collantes, residente sa Block 1, Aplaya, Baseco Compound, may tama ng bala sa ulo.
Base sa ulat, dakong 1:05 am nang itawag ng isang nagpakilalang si Ivan, sa mga awtoridad na may natagpuang isang bangkay ng lalaki sa nabanggit na lugar.
Ayon sa dalawang saksi na tumangging magpabanggit ng pa-ngalan, sina Jerson Aguilar, Marlyn Dagale at isang Kuya Lito alyas Berdugo, pawang mga residente sa nabanggit na lugar, ang responsable sa pagkamatay ng biktima.
Kasalukuyang bineberipika ng pulisya ang nasabing impormasyon.
Samantala, sumuko nitong Lunes si Jerson Aguilar sa mga tauhan ni MPD Station 2 commander, Supt. Santiago Pascual.
Sinisilip ng mga awtoridad na posibleng nagkainitan habang nag-iinoman ang grupo na nagresulta sa pagpatay sa biktima.
Hindi rin inaalis ng pulisya na posibleng may kinalaman sa droga ang insidente. (BRIAN GEM BILASANO)
