CEBU CITY – Kinansela na ng Philippine Coast Guard Cebu (PCG)-7 ang biyahe ng small sea craft at cargo vessel dahil sa bagyong Lawin.
Ayon kay PCG-7 Commander Agapito Bibat, hindi na nila pinayagang bumiyahe ang mga cargo vessel na patungong Catanduanes dahil mayroon nang signal warning doon.
Nilinaw niyang bagama’t wala pang signal warning ang Cebu, mahigpit nilang ipinagbabawal ang paglalayag ng lahat ng small sea craft lalo na ang mga mangingisda dahil maalon na ang dagat at delikado na ito.
Habang sinabi ni Engr. Niel Balaba ng Office of Civil Defence-7, kahit hindi direktang tatama ang bagyo sa Central Visayas ay pinaghahandaan ito dahil makararanas din ng malakas na hangin ang rehiyon.
