Thursday , October 6 2022

Mosyon sa DAP inihain ng SolGen

PORMAL nang inihain ng Palasyo sa Korte Suprema ang motion for reconsideration (MR) kaugnay sa desisyon ng Kataas-taasang Hukuman na unconstitutional ang kontrobersiyal na Disbursement Acceleration Program (DAP).

Inihayag ni Deputy Presidential Spokesperson Abigail Valte, dakong 3:16 p.m. nang isumite ni Solicitor General Francis Jardeleza ang MR, ngunit hindi binanggit kung ilang pahina ito.

Wala rin sinabi si Valte kung may bagong argumento ang Malacañang na posibleng maging basehan ng mga mahistrado para baliktarin ang nauna nilang desisyon na unconstitutional ang DAP.

Ngunit sa kanyang President’s Address to the Nation (PAN) noong Lunes, iginiit ni Pangulong Aquino na ang Section 49 ng Administrative Code of 1987 ang naging basehan ng Malacañang sa paglikha ng DAP na binalewala ng Supreme Court.

Kamakalawa ay tiniyak ni Communications Secretary Herminio Coloma, Jr., na handang sumunod ang Palasyo sakaling panindigan ng Supreme Court ang nauna nilang pasya.

Nilinaw rin niya na hindi naghahamon si Pangulong Benigno Aquino III sa Korte Suprema sa isyu ng DAP at mismong ang Punong Ehekutibo ang nagsabing wala siyang kimkim na galit sa Kataas-taasang Hukuman at iginigiit lamang niya ang prinsipyo at paniwalang ginamit sa mabuti ang DAP.

Ito ay sa kabila ng pahayag ni Pangulong Aquino sa kanyang President’s Address to the Nation (PAN) na dahil sa pasya ng SC ay posibleng magbanggaan ang sangay ng ehekutibo at hudikatura na kailangan pang makialam ang lehislatura.

(ROSE NOVENARIO)

About hataw tabloid

Check Also

gun shot

Nagdala ng ‘boga’ sa paaralan, binatilyo dinakip

INARESTO ng mga awtoridad ang isang binatilyong mag-aaral sa bayan ng Marilao, lalawigan ng Bulacan …

prison rape

2 rapists sa Bulacan  deretso sa rehas

NAGTULONG-TULONG ang mga awtoridad sa pag-aresto sa dalawang akusado sa kasong panggagahasa sa lalawigan ng …

shabu drug arrest

MWP, kinakasama timbog sa droga

ARESTADO ang isang lalaking pinaghahanap ng batas kasama ang kanyang live-in partner na nakialam sa …

nakaw burglar thief

Sa Candaba, Pampanga
5 KAWATAN NASAKOTE, 4 TINUTUGIS 

SA MABILIS na pagresponde ng mga awtoridad, nadakip ang limang lalaking nanloob sa isang grocery …

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

Leave a Reply