Walang Pinoy sa sunog sa Taiwan – MECO

TINIYAK ng Manila Economic and Cultural Office (MECO) na walang Filipino na nadamay sa sunog sa isang water amusement park sa Taipei, Taiwan.

Sa pinakahuling tala, umabot na sa 516 ang sugatan sa naturang insidente at 180 sa kanila ay nasa kritikal na kalagayan.

Kabilang ang mga biktima sa 1,000 nakisaya sa isang concert sa Formosa Fun Coast na sinabuyan ng colored powder habang nagsasayawan.

Hinihinalang sumiklab ang sunog nang sumabog ang naturang powder.

Inihayag ni MECO chairperson Amadeo Perez, may ipinadala silang tauhan para makompirmang walang nasaktang Filipino sa naturang insidente.