Torre de Manila pinatitigil ng SC

IPINATIGIL ng Supreme Court (SC) ang operas-yon ng DMCI Homes para sa itinatayong 46-storey Torre de Manila condominium na kitang-kita sa likurang bahagi ng Rizal monument sa Luneta, Manila.

Sa press conference ni SC Public Information Office chief, Atty. Thoedore Te, sinabi niyang pinagbigyan ng court en banc ang hiling ng Order of the Knights of Rizal para mag-isyu ng temporary restraining order (TRO) sa construction ng nasabing condominium.

Batay sa 26 pahina ng petition for injunction, hiniling ng Order of the Knights of Rizal na ipatigil ng korte ang ginagawang gusali dahil nakaaapekto ito sa tanawin ng makasaysayang mo-numento ni Rizal.

Nais din ng grupo na maglabas ang kataas-taasang hukuman ng “writ of pamana” o “writ of kasaysayan” bilang legal remedy upang mapanatili ang simbolo ng kasaysayan sa Luneta ukol sa pambansang ba-yani at mga turo nito.

Inaakusahan din nila ang DMCI na lumabag sa zoning ordinance ng lungsod ng Maynila dahil nararapat sanang hanggang limang palapag lamang ang mga gusali sa bahagi iyon ng Maynila.

Kaugnay nito, nagtakda ang korte ng oral argument sa Hunyo 30, 2015.