47-anyos kelot nanghaltak ng 27-anyos ginang  para pagparausan (Makaraan manood ng sex video)

ILOILO CITY— Hinalay ng 47-anyos lalaki ang 27-anyos ginang sa Barotac Viejo, Iloilo kamakalawa.

Ayon kay Insp. Rene Delos Santos Del Castillo, imbestigador ng Barotac Viejo Municipal Police Station, umiinom habang nanonood ng malaswang video ang suspek na si alyas Toto sa bahay mismo ng ina ng biktima, at kainoman ang kapatid na lalaki ng ginang.

Nang umuwi ang suspek, napadaan siya sa bahay ng hindi pinangalanang biktima at puwersahang pumasok saka hinatak palabas ng bahay ang babae.

Nanlaban ang biktima ngunit iniuntog ng suspek sa puno hanggang mawalan ng malay, binusalan ng damit sa bibig at tinutukan ng baril habang hinahalay.

Ayon pa sa imbestigador, ipinasok ng suspek ang kanyang limang daliri sa kaselan ng babae at kinuhaan ng video ang biktima sa iba’t ibang posisyon.

Tanging ang dalawang anak na paslit lamang ang kasama ng biktima sa kanilang bahay.

Napag-alaman, ang suspek ay pamilyado at may anim na mga anak.

Sa ngayon, patuloy na inoobserbahan ang biktima sa Western Visayas Medical Center dahil sa dinanas na trauma.

Samantala, nakakulong na ang suspek na sinampahan na ng kaukulang kaso.