Palaboy na Kano tiklo sa shoplifting

KALABOSO ang isang 51-anyos American national makaraan mag-shoplift ng beauty products kamakalawa ng umaga sa Maynila.

Nahaharap sa kasong theft (shop[lifting) ang suspek na si David Allen James, palaboy sa Bay Walk, Roxas Boulevard, Maynila makaraan mahulihan ng halagang P3,199 halaga ng Olay beauty products na  kanyang inumit sa Robinson’s Supermarket sa Ermita, Maynila.

Nabatid na binitbit nina PO1s Jonathan Yasay at Gringo Ray Baggawan, kapwa nakatalaga sa Pedro Gil Police Community Precint, ang suspek makaraan humingi ng assistance si Jacqueline Antonio, lady guard ng nabanggit na establisimento.

Sa reklamo ni Antonio sa Manila Police District-General Assignment and Investigation Section (MPD-GAIS), naganap ang insidente dakong 10:42 a.m. sa Robinson Supermarket.

Aniya, nagpanggap na customer ang suspek at pagkaraan ay palihim na isinilid sa kanyang bag ang Olay products at mabilis na lumabas ng supermarket.

Ngunit hinarang siya at inaresto ng guwardiyang si Antonio.

Leonard Basilio