Habambuhay hatol sa carjacker

HABAMBUHAY na pagkakulong ang sentensiyang ipinataw sa suspek sa kasong pagkarnap at pagpatay sa Quezon City noong 2011.

Makaraan ang apat na taon, hinatulang guilty ng QC Regional Trial Court (RTC) Branch 87 si Rolando Talban sa pang-agaw sa sasakyan at pagpatay sa driver ni Maria Teresita Teano. 

Hunyo 15, 2011 nang agawin ni Talban, miyembro ng Dominguez carnapping group, ang Hyundai Accent ni Teano sa Kamuning Road.

Reclusion perpetua ang itinakdang parusa ni Judge Aurora Calledo kay Talban. 

Ikinatuwa ng ama ng biktimang si Atty. Odon Teano na dumalo rin sa korte kahapon, ang hatol sa kaso.