Truck helper tumalon sa NLEx, patay

DUROG ang ulo at sabog ang utak makaraan tumalon mula sa tulay ng North Luzon Expressway (NLEx) at masagasaan ang isang truck helper kamakalawa ng gabi sa Valenzuela City.

Kinilala ang biktimang si Renjie Navarro, nasa hustong gulang, tubong Mabinay, Negros Oriental, agad binawian ng buhay sanhi ng pagkabagok ng ulo at nakaladkad pa ng humahagibis na sasakyan.

Batay sa ulat ni PO2 Joel Madregalejo, dakong 10:30 p.m. nang tumalon ang biktima mula sa tulay ng NLEx na sakop ng Brgy. Paso De Blas ng nasabing lungsod.

Ayon kay Bantay Bayan member Antonio Ligasan, nilapitan nila ang biktima nang mamataan sa gitna ng tulay at tinanong kung ano ang balak niya.

“May mabigat akong problema at gusto ko nang magpakamatay,” sagot aniya ni  Navarro at bago pa sila nakakilos ay biglang tumalon ang biktima.

Rommel Sales