Temperatura sa PH inaasahang tataas pa

INAASAHANG tataas pa ang maitatalang temperatura sa bansa.

Ito’y kasunod ng naitalang 36.2 degrees Celsius na temperatura sa Metro Manila nitong Sabado, na pinakamataas na nairekord sa kasalukuyan.

“Painit nang painit na po ang panahon kasi papalapit na po’ng Mayo,” ani PAGASA weather forecaster Manny Mendoza.

May posibilidad aniyang umabot sa 40 degrees Celsius ang maitatala dahil na rin sa dry spell o weak El Niño.

Maaari aniya itong maranasan partikular sa General Santos, Cagayan, Tuguegarao at Cabanatuan.