Investigative Reporter Itinumba Sa Batangas  

PATAY ang isang dating correspondent ng pahayagang Philippine Daily Inquirer makaraan pagbabarilin ng riding in tandem sa Brgy. Balagtas, Batangas City nitong Lunes ng hapon.

Isang bala sa ulo tumapos sa buhay ng 40-anyos na si Melinda ‘Mel’ Magsino, dati rin stringer ng TV-5 at nagmamay-ari ng massage clinic sa lungsod.

Ayon kay Batangas City police chief Manuel Castillo, kabilang sa tinitingnang anggulo ang pagiging dating mamamahayag ni Magsino.

Nabatid na ilang oras bago ang pamamaril, may binabanatan pa ang biktima sa kanyang Facebook account na isang lokal na opisyal sa isang bayan sa Batangas.

Tinitingnan din ang anggulong love triangle dahil may kinakasama ang biktima kahit may asawa pa.

Hindi pa nakikilala ang mga suspek habang pinabubuksan na rin ng pulisya ang Facebook account ng biktima.