Deboto bumuhos sa Linggo ng Palaspas

BUMUHOS sa mga simbahan ang mga debotong Katoliko kasabay ng Linggo ng Palaspas o Palm Sunday kahapon.

Sa Baclaran Church, unang sumalubong sa mga magsisimba ang mga nagbebenta ng palaspas sa labas ng simbahan.

Isinagawa ang second collection sa banal na misa kasabay ng ika-40 taon anniversaryo ng “Alay Kapwa” program.

Kasabay nito, umaasa si Manila Archbishop Luis Antonio Cardinal Tagle na ang bawat simbahan ay may iaambag para sa Alay Kapwa.

Ang kikitain sa Alay Kapwa ay gagamitin ng simbahan para sa emergency funds para sa mga biktima ng kalamidad, tulad ng bagyo, baha, sunog, lindol at iba pang trahedya o krisis maging sa disaster prevention at mitigation programs.