‘Shopholic’ binalaan ng PNP vs ‘Besfren gang’

NAGBABALA ang pamunuan ng Philippine National Police (PNP) sa publiko partikular sa shoppers na mahilig mamili sa mga open-air markets at bargain malls kaugnay sa modus operandi ng “Besfren Gang.”

Paalala ng PNP, mag-ingat sa nasabing gang dahil ang modus nila ay kunin ang ilang valuable items mula sa isang stall gaya ng relo, alahas, mobile phones, at electronic gadgets.

Ayon sa pulisya, isang miyembro ng grupo ang tatayo sa gilid ng biktima at hihiramin ang tiningnang items habang nagpapanggap na kaibigan at kapag nakahanap ng pagkakataon ay nanakawin ang naturang items.

Habang iiwan sa biktima ang isang bag na hawak ng mga suspek kaya ang may-ari ng nasabing stall ay maniniwala na kasabwat siya ng mga magnanakaw.