Magnitude 4.7 quake yumanig sa Albay

NIYANIG ng magnitude 4.7 na lindol ang Albay nitong Linggo.

Ayon kay Phivolcs Director Renato Solidum, dakong 6:53 a.m. nang naitala ang sentro ng lindol sa layong 41 kilometro silangan ng Legaspi City; sa lalim lamang na anim na kilometro.

Sa tala ng Phivolcs, nadama ang pagyanig sa Albay at mga kalapit na lugar:  Intensity 4 sa Legaspi City, Albay; Sorsogon City; Daraga, Guinobatan, at Camalig, Albay.

Habang Intensity 3 sa San Jose Camarines Sur; at Intensity 2 sa Virac, Catanduanes.

Pagtiyak ni Solidum, mahina lamang ang lindol kaya kung magkakaroon ng aftershocks ay hindi ito kalakasan.

Pinawi rin niya ang pangamba sa tsunami.