Pinoys ‘di dapat mangamba sa COVID-19 sa SoKor

PINAKALMA ni Senator Christopher “Bong” Go ang mga Pinoy kaugnay sa pagdami ng mga nahahawa ng coronavirus  disease o COVID-19 sa South Korea.

Sinabi ni Go, hindi dapat mag-panic ang sambayanan basta ang mahalaga ay sumunod sa advisories ng mga kinaukukulang ahensiya.

Ayon kay Go, ang mahalaga ngayon ay magtulungan ang lahat para makaiwas sa outbreak ng naturang sakit.

Base sa report ng Department of Health (DOH), walang Pinoy na nahahawa ng COVID 19 sa South Korea.

Ang South Korea ay isa sa mga bansang madalas puntahan ng mga Pinoy para magtrabaho at magbakasyon. (CYNTHIA MARTIN)