Pamangkin hinamon ng duwelo , Tiyuhin patay sa palo ng kawayan

BINAWIAN ng buhay ang isang 55-anyos na lalaki matapos ilang ulit paluin sa ulo ng kaniyang pamangkin gamit ang kawayan sa gitna ng kanilang pagtatalo, sa Brgy. Bantaoay, bayan ng San Isidro, lalawigan ng Ilocos Sur, nitong Martes ng gabi, 12 Nobyembre.

Kinilala ng pulisya ang biktima na si Mario Rebullo, 55 anyos, na sumugod umano nang lasing sa bahay ng suspek na kinilalang si Eddie Rebullo, 42 anyos, at hinamon ang huli na lumabas at makipaglaban sa kaniya.

Hindi nagtagal, nagtungo si Eddie sa bahay ng kaniyang tiyuhin saka tatlong beses na hinampas ang ulo ng biktima gamit ang kawayan na dahilan ng kaniyang agarang kamatayan.

Natagpuan ang wala nang buhay na katawan ng biktima sa loob ng kaniyang bahay nitong Miyerkoles ng umaga, 13 Nobyembre.

Patuloy ang imbestigasyon ng pulisya upang matunton at maaresto ang suspek.