Wednesday , July 6 2022
Gun Fire

Selosan sa bebot
LABORER SUGATAN SA BOGA NG PARAK

SUGATAN ang isang construction worker at isang lalaking mapadaan sa insidente ng pamamaril ng isang pulis sa Brgy. 26, sa lungsod ng Bacolod, nitong Linggo, 19 Hunyo.

Kinilala ang mga biktimang sina Richard Jimenez, 30 anyos, construction worker, residente sa Brgy. 26; at Jorem Sibug, 24 anyos, residente sa Brgy. 27, sa nabanggit na lungsod.

Ayon kay P/Maj. Ritchie Gohee, hepe ng Bacolod Police Station 4, nagtungo dakong 12:30 am kahapon ang suspek na kinilalang si P/MSgt. Jeff Desucatan sa Brgy. 26 upang bisitahin ang isang kaibigang nabatid na dating nobya ni Jimenez.

Inakala umano ni Jimenez na may relasyon si Desucatan at ang kanyang dating nobya kaya kinompronta niya ang pulis na nauwi sa pagtatalo.

Ayon sa mga nakasaksi, tatlong beses nagpaputok ng baril si Desucatan matapos ang kanilang pagtatalo.

Tinangka rin umanong hampasin ni Jimenez ng bote si Desucatan kaya nagawa siyang barilin sa kaliwang paa.

Samantala, natamaan ng ligaw na bala ang isa pang biktimang si Sibug na naglalakad pauwi sa kanilang bahay.

Tumakas si Desucatan at nagtago sa bahay ng isang kaibigan sa parehong barangay nang siya ay madakip.

Isinuko ng suspek sa pulisya ang kanyang baril na inisyu ng pamahalaan, isang Glock 17, may magasin at apat na bala.

Narekober ng mga pulis sa pinangyarihan ang tatlong hindi pumutok na bala at apat na basyo ng bala ng baril.

Ani Gohee, nagkaroon ng naunang pagtatalo sina Desucatan at Jimenez na hinihinalang maaaring dahilan ng galit ng biktima sa suspek.

Ayon sa pamunuan ng Bacolod Police Station 4, hinihintay nila ang desisyon ng pamilya ng biktima kung magsasampa ng kasong kriminal laban kay Desucatan.

Bukod sa mga kasong kriminal, maaari rin maharap si Desucatan sa mga kasong administratibo, ayon kay P/Lt. Col. Sherlock Gabana, tagapagsalita ng Bacolod CPS.

Dagdag ni Gabana, magsasagawa ang kanilang hanay ng sariling pagsisiyasat habang nagsasagawa rin ang Provincial Internal Affairs Service ng moto proprio investigation.

Inilinaw ni Gabana, hindi sisibakin sa kanyang tungkulin si Desucatan bilang desk officer sa Bacolod Police Station 2 habang hindi pa tapos ang imbestigasyon.

About hataw tabloid

Check Also

Ops kontra sugal ikinasa 6 SUGAROL NASAKOTE SA CALAMBA, LAGUNA Boy Palatino

Ops kontra sugal ikinasa
6 SUGAROL NASAKOTE SA CALAMBA, LAGUNA

NASUKOL ng mga awtoridad ang anim na indibiduwal na sangkot sa ilegal na pagsusugal sa …

arrest, posas, fingerprints

Wanted sa murder
LIDER NG GUN-FOR-HIRE GROUP ARESTADO

NADAKIP ng mga awtoridad ang isang lalaking wanted sa kasong murder at sinasabing lider ng …

dead gun

Convenience store nilooban
KAWATAN BULAGTA SA ENKUWENTRO, KASABWAT NAKAPUSLIT

NAPATAY ng mg aawtoridad matapos manlaban ang isang armadong lalaking pinaniniwalaang nanloob sa isang convenience …

marijuana

Nagkakalat ng marijuana sa Bulacan
TULAK AT RUNNER NA MENOR DE EDAD, TIKLO SA DRUG STING 

NAARESTO ng mga awtoridad ang dalawang personalidad na pinaniniwalaang tulak ng marijuana kabilang ang isang …

dead gun police

Sa Jaen, Nueva Ecija
CARETAKER NIRATRAT NG RIDING-IN-TANDEM 

PATAY ang isang caretaker nang barilin ng dalawang armadong lalaking magkaangkas sa motorsiklo sa bayan …