Thursday , July 7 2022
Devin Haney undisputed champion

Haney tinanggalan ng korona si Kambosos

TINANGHAL na ‘undisputed lightweight champion’ si Devin Haney   kahapon sa Marvel Stadium sa  Melbourne, Australia nang talunin niya via unanimous decision  si George Kambosos.

Ginamit ni Haney (28-0, 15 KOs) ang kanyang ekselenteng jab para idikta ang takbo ng laban para mapabilib ang tatlong hurado sa iskor na 116-112, 118-110 at 116-112.  Ngayon, ang 23-year-old mula Las Vegas ay kinabig lahat ang apat na 135-pound titles pagkaraan ng dominanteng performance laban sa ESPN’s No. 1 lightweight.

Pero hindi doon nagtatapos ang bakbakan ng dalawa dahil puwedeng gamitin ni Kambosos, 28, ang kanyang ‘contractual right’  para magkaroon ng rematch kay Haney bago matapos ang taon na gaganapin din sa Australia.

Napanalunan ni Kambosos (20-1, 10 KOs) ang titulo noong Nobyembre nang ma-upset niya ang kampeong si Teofimo Lopez.   

Pagkaraan ng malaking panalong iyon ay simula na siyang maghamon  ng laban sa malalaking pangalan sa kanilang dibisyon.  Matatandaan na dapat ay si Vasiliy Lomachenko ang  makakaharap niya pero umatras ang Ukranian fighter dahil inuna nito ang obligasyon niya sa kanyang bansa  na nahaharap sa malaking hamon dahil sa Russian invasion.

Sa pagpasok ni Haney sa eksena bilang kapalit ni Lomachenko, maraming sports fans ang nagtaas ng kilay dahil tipong hindi hindi siya ang karapat-dapat na makaharap ng undisputed champion dahil ang kanyang hawak  na WBC lightweight belt ay hindi niya inani dahil sa laban kungdi naitaas lang siya sa pagiging lehitimong  kampeon mula sa pagiging interim  champion.

Ngayon, sa ipinakitang kalidad, ni Haney nang talunin niya si Kambosos, ay aanihin na niya ang respeto ng boxing world dahil siya na ngayon ang tinaguriang undisputed champion na hawak ang titulo ng  WBA, WBO, IBF at  WBC.

About hataw tabloid

Check Also

Celia H Kiram PSC Rise Up Shape UP

 ‘Laro’t Saya sa Parke’ pinalawak ng PSC

BILANG suporta ng Philippine Sports Commission’s (PSC) para i-promote at patatagin ang sports development sa …

Kai Sotto

Kai Sotto ‘di  maglalaro sa FIBA Asia Cup

KINUMPIRMA ni  Samahang Basketbol ng Pilipinas (SBP) programa director Chot Reyes na hindi makakasama si …

Canelo Alvarez Gennadiy Golovkin

Suntok ni Canelo walang epekto kay Golovkin

NEW YORK–Maraming katangian si Canelo Alvarez pagdating sa pakikipaglaban sa ring  pero hindi naniniwala  si …

Ronald Titong Dableo Sheerie Joy Lomibao-Beltran

GM candidate Dableo lalahok  sa WFM Lomibao-Beltran Rapid Open chess tournament

NAKATUTOK ang chess aficionados   kay Grandmaster candidate at International Master Ronald Titong Dableo sa pagtulak …

Mark Magsayo

Mark Magsayo may kahinaan na dapat ayusin

NAGPAPAALALA si boxing trainer Nonito Donaire Sr.  kay  WBC world featherweight champion Mark Magsayo na …