Monday , May 16 2022
Dimitry Bivol Canelo Alvarez Floyd Mayweather Jr

Mayweather nanalo sa pusta kay Bivol

IPINAKITA ni Floyd Mayweather ang kanyang ‘betting slip’ sa social media para ipagyabang ang  kanyang malaking panalo nang pumusta siya kay Dimitry Bivol laban kay Saul “Canelo” Alvarez  nung nakaraang Linggo sa Las Vegas, Nevada.

Sa panalo ni Bivol kay Canelo lalo pang nadagdagan ang pera  ni Mayweather  dahil sa kanyang pusta.

Namantsahan ang karta ni Canelo ng ikalawang pagkatalo sa kanyang 61 fights at una pagkaraan na matalo siya kay Mayweather noong 2013.   At pagkatapos ng talong iyon ay naging dikit-dikit ang panalo para maging undisputed champion sa middleweight divisions.

At sa laban niya kay Bivol ay inambisyon naman niyang pasukin ang teritoryo ng light-heavyweight.

Sa naging laban nina Bivol at Canelo ay lamang sa suntok ang una na halos doble ang dami sa pinakawalang suntok ng huli.

Ang  tatlong hurado ay pare-pareho ang kanilang naging iskor na 115-113 para manalo si Bivol via unanimous decision. Pagkatapos ng laban ng dalawa ay inanunsiyo agad sa post fight interview na nais ni Canelo ng rematch na sinang-ayunan naman ni Bivol.

Bago ang laban ng dalawa ay nasilip na ni Mayweather na malaki ang panalo ng dehadong si Bivol kaya pumustang $10,000 na ipinost pa niya sa Instagram na may caption na ‘easy pick up.’

Sa taya ng tinaguriang  Money ay kumabig siya ng $42,500 bilang dibidendo.

Nang malaman ni Bivol na sa kanya nakapusta si Mayweather at nanalo ng malaking halaga, napasigaw na lang siya ng “congratulations!”

About hataw tabloid

Check Also

Kickboxing Francis Tolentino

National team pinuri ni SKP President Senator  Tolentino

PINURI ni Kickboxing ng Pilipinas (SKP) President Senator Francis “Tol” Tolentino ang national team bago …

Hanoi SEA Games Philippines Gold

Hanoi  SEA Games
TOP-THREE FINISH HANGAD NG TEAM PHILIPPINES

HANOI — Naging napakadali para kay Olympian Ernest John Obiena na mapanatili ang kanyang pole …

Carlo Biado Hanoi SEA Games

31st SEA Games
BIADO UMABANTE SA QUARTERFINALS

HANOI — Hindi natinag ang kasalukuyang US Open champion Carlo Biado  sa mahirap na laban …

Canelo Alvarez Dmitry Bivol

Canelo babawian si Bivol sa kanilang rematch

NAGBIGAY na paniniguro si Canelo Alvarez  sa kanyang promoter na si Eddie Hearn na hindi …

31st SEA Games Hanoi Vietnam

POC, PSC  nagbigay ng inspirasyon sa mga atleta sa Hanoi

HANOI — Nagbigay ng pampasiglang salita ang mga sports leaders ng bansa sa miyembro ng …