Thursday , February 9 2023
gun ban

2 teenager sugatan sa boga ng POSO

DALAWANG menor de edad ang nasugatan sa pamamaril ng lasing na 59-anyos lalaki, empleyado ng Public Order and Safety Office (POSO) sa Taguig City, kahapon ng madaling araw.

Ginagamot sa Taguig-Pateros District Hospital ang mga biktima na kinilalang sina alyas Linda, 15 anyos, ng  Brgy. San Miguel, Taguig City, at isang alyas Zanjo, 13 anyos, estudyante, ng Barangay Hagonoy, Taguig kapwa may tama ng bala sa katawan.

Agad nadakip ang suspek na si Nelson Voluntarioso, 59 anyos, ng 55 Ginseng St., Creekland, Barangay Hagonoy, Taguig City, nahaharap sa kasong Frustrated Murder.

Kasamang dinampot ang kinakasama nitong si Ellen Betita, 52 anyos, para sa kasong Obstruction of Justice at anak na si Neil John Voluntarioso, 24 anyos, binata, isang declogger, dahil sa Obstruction of Justice at Comprehensive Dangerous Drugs Act of 2002.

Sa ulat nangyari ang insidente sa Creekland, Hagonoy,Taguig City dakong 2:00 am nitong Lunes.

Sa inisyal na imbestigasyon, magkasamang bumili ng meryenda ang dalawang biktima ngunit habang pauwi biglang lumabas ng bahay ang lasing na si Nelson saka nagpaputok ng hindi batid na kalibre ng baril, na tumama sa mga biktima.

Nagsagawa ng follow-up operation ang Sub-Station 9 sa pangunguna ni P/Maj. Crisanto Agualin at Barangay Security Force sa lugar, habang isinasagawa ang pag-aresto laban kay Nelson ngunit nakialam ang misis nitong si Betita at anak na si Neil na minalas pang makuhaan ng 10.8 gramo ng pinaghihinalaang shabu na nagkakahalaga ng P73,440. (GINA GARCIA)

About hataw tabloid

Check Also

Minahan ng apog sa Danao, Cebu gumuho
PASTOLERA NG BABOY NATABUNAN, PATAY

PATAY ang isang 46-anyos babaeng nagpapastol ng mga alagang baboy nang gumuho ang minahan ng …

baby old hand

Natagpuan sa landfill
BABY BOY IKINAHON SA STYROBOX

WALA nang buhay nang matagpuan ng isang scavenger ang isang bagong silang na sanggol na …

Illegal mining ops sa Sibuyan ipinatigil 2

Sa marahas na police dispersal sa Sibuyan
2 KALAHOK SA HUMAN BARRICADE VS ILLEGAL MINING SUGATAN

SUGATAN ang dalawang lumahok sa barikada kontra ilegal na pagmimina na binuo ng mga residente …

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …