Tuesday , July 16 2024
knife, blood, prison

Doktora tinangkang patayin, 37-anyos kelot suspek ligtas sa ‘hatol ng bayan’

SA KULUNGAN bumagsak ang isang lalaking pumasok sa isang klinika at tinangkang saksakin ang 51-anyos doktor sa Malabon City, kamakalawa ng gabi.

Ayon kay Malabon City Police Chief P/Col. Albert Barot, dahil sa mabilis na pagdating ng mga tauhan ni Sub-Station 1 commander P/Lt. Joseph Almayda, ‘naisalba’ ang suspek na si Paulo Gonzales, 37 anyos, residente sa P. Concepcion St., Brgy., Tugatog sa kamay ng mga ‘galit’ na bystanders na kumuyog sa kanya.

Sa ulat, sinabing tinangkang patayin ni Gonzales, si Dr. Eva Cristine Andrade sa loob ng kanyang clinic sa  Huat-Huat Building, Gov. Pascual Avenue, Brgy. Potrero.

Nangyari ang insidente, ayon kay P/CMSgt. Rio Norcio, shift supervisor ng Malabon police, dakong 10:45 pm nang pumasok si Gonzales, armado ng patalim sa clinic ng biktima at sa hindi malamang dahilan ay sinugod at tinangkang saksakin si Dr. Andrade.

Gayonman, nagawang masangga ng biktima ang pananaksak hanggang magawa nitong agawin ang patalim sa suspek na naging dahilan upang tumakbo palabas ang lalaki upang tumakas.

Humingi ng tulong si Andrade sa mga bystander na agad hinabol ang suspek saka pinagtulungang kuyugin na natigil lang nang dumating ang mga nagrespondeng pulis sa lugar.

Sinabi ni Lt. Almayda, kabilang sa tinitingnan ng pulisya na posibleng motibo sa insidente ay personal na galit at robbery matapos sabihin ng biktima sa mga awtoridad na nakatanggap siya ng death threat mula sa hindi kilalang suspek. (ROMMEL SALES)

About hataw tabloid

Check Also

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Francis Tolentino

Sakripisyo, galing, at husay ng Pinoy nurses kinilala
Tolentino tiniyak PH Nursing Act of 2022 mahigpit na tututukan

PINURI ni Senate Majority Leader Francis Tolentino ang sakripisyo ng mga Pinoy nurses hindi lamang …

Bongbong Marcos Francis Tolentino

Tulong sa mga magsasaka at mangingisda sa Calabarzon Region sa pamamagitan ng TUPAD program ikinasa

MAHIGIT sa 12,000 mangingisda at magsasaka mula sa lalawigan ng Cavite at Rizal ang nabigyan …

Leave a Reply

Your email address will not be published. Required fields are marked *