Thursday , May 26 2022
Motalban Rodriguez Rizal

Modern jeepneys tigil pasada sa Montalban

MONTALBAN, Rizal – Walang ‘dating’ sa Rodriguez local government ang abiso ng Land Transportation and Franchise Regulatory Board (LTFRB) na nagpahintulot sa mga operator ng modern jeepney sa nasabing lokali­dad para sila ay pumasada.

Ngunit inisyuhan ng tiket at ipana-impound ng Montalban Traffic Management Development Office (MTMDO) ang hindi bababa sa 20 pampasa­herong unit ng mga modernong jeppney na kasapi ng Commonwealth Transport Service Cooperative dahil sa paggamit ng temporary authority to operate na inilabas ng LTFRB habang ipinoproseso ang kanilang validity extension.

Bunsod nito, nagtigil-pasada ang may 20 tsuper ng naturang kooperatiba.

Sa isang pahayag, sinabi ni CTSC general manager Dhelta Bernardo, hindi sila nagkulang sa pagtupad ng mga alituntuning ibinababa ng LTFRB at ng Montalban LGU.

Aniya, nakapag­sumite sila ng application for extension of validity na may resibo mula mismo sa nasabing ahensiyang nangangasiwa sa prankisa at operasyon ng mga pampasaherong sasakyan.

Gayonman, hindi aniya tinanggap ni Montalban Management Development Office (MMDO) chief Charlie Boy Labez ang temporary authority to operate mula sa LTFRB.

Giit ni Labez, colorum ang kanilang kooperatiba na may rutang Montalban-Litex.

Nanawagan ang mga tsuper at operator ng nasabing modern jeeps sa Department of the Interior and Local Government (DILG) na panghima­sukan ang nasabing usapin lalo pa’t direktang pagsalungat ang ginawa ng Montalban LGU sa programang moder­nisasyon ng adminis­tra­syong Duterte.

Suspetsa ng mga tsuper, isang malinaw na panggigipit na maaaring paramdam ng pangingi­kil ang ginagawa sa kanilang hanay ng nasabing LGU na una nang nagpasara sa kanilang terminal sa Barangay San Isidro.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …

Leave a Reply