Friday , March 29 2024

e-Konsulta ni VP Leni dinumog (Publiko walang masulingan)

ILANG oras matapos ilunsad ang libreng tele-consultation bilang tugon sa patuloy na pangangailangan ng atensiyong medikal sa gitna ng CoVid-19 pandemic, dumanas ng technical difficulty ang bagong serbisyong handog ng tanggapan ni Vice President Leni Robredo.

Ang Bayanihan E-Konsulta Facebook page ay inilunsad ng Bise Presidente kahapon, Miyerkoles, para makatulong sa mga outpatient cases sa Metro Manila at iba pang karatig lugar na nasa ilalim ng enhanced community quarantine (ECQ).

Ayon kay Robredo, layon ng inisiyatibo na magbigay ng tulong medikal lalo sa mahihi­rap. Sa ilalim ng proyektong ito, maaaring magpalista para sa konsultasyon sa Facebook Messenger, kahit ang gamit ay free data.

“Ito pong ginagawa natin, attempt po ito na kahit paano makatulong tayo maka-decongest ng mga hospitals. Na iyong mga pasyente, whether COVID or non-COVID, na hindi naman kaila­ngang ma-hospitalize, at least kahit nasa bahay lang sila, mayroon silang medical help na matatanggap,” aniya.

Sa mga pagkakataon namang may emergency cases na kailangang agarang madala sa ospital, ire-refer sila ng OVP sa One Hospital Command, alinsunod sa kasalukuyang guidelines.

Ang inisiyatibo ay naging posible dahil sa tulong ng mga volunteer na doktor, health professionals, at iba pang mga Filipino na nakiisa.

Noong Martes ng gabi, nakapagtala ang OVP ng higit sa 2,300 volunteers para sa proyekto.

Ngunit kinahapu­nan, dinumog ito ng netizens hanggang dumanas ng technical difficulty ang Bayanihan E-Konsulta.

Agad din nag-alok ng tulong ang ilang netizens para sa tuloy-tuloy na serbisyo ng E-Konsulta. (HNT)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *