Friday , March 29 2024

Estriktong quarantine ipatupad — SBG

NANAWAGAN si Senator Christopher “Bong” Go sa lahat ng law enforcement agency na ipatupad ang estriktong quarantine.

Ang pahayag ni Sen. Go ay bunsod ng ginawang pag-aproba ni Pangulong Rodrigo Duterte sa rekomendasyon ng Inter-Agency Task Force (IATF) na isailalim muli sa enhanced community quarantine (ECQ) ang Metro Manila, gayondin ang mga kalapit nitong lalawigan ng Bulacan, Rizal, Cavite, at Laguna simula ngayong araw, 29 Marso, hanggang 4 Abril.

Ayon kay Sen. Go, marapat na magpatupad ng mas estriktong quarantine restrictions sa mga lugar na may mataas na kaso ng CoVid-19, partikular sa greater Metro Manila Area upang mas mabilis na matugunan ang mabilis na pagkalat ng sakit.

“Today, I welcome the approval of President Duterte of the recommendation of the IATF to place NCR, Bulacan, Rizal, Cavite, and Laguna under ECQ effective March 29 until April 4,” ani Go, sa isang pahayag.

“Umaapela ako sa taongbayan, kaunting tiis lang po. Para ito sa kapakanan nating lahat. Ang ating sakripisyo, pagsunod sa patakaran, at tiwala sa awtoridad ay makapagliligtas ng buhay ng kapwa natin Filipino,” apela ni Go.

Aniya, mas makabubuti kung patuloy na magbabayanihan at magmamalasakit ang lahat para sa ating kapwa, lalo sa frontliners natin na binubuwis ang buhay para gampanan ang kanilang tungkulin.

“Ang ating kooperasyon ay paraan upang mapagaan ang pinapasang hirap ng buong sambayanan,” dagdag ng Senador.

Nanawagan si Senador Go sa publiko, “gamitin ang panahong ito upang magpahinga at palakasin ang ating pananampalataya sa Diyos lalo ngayong Semana Santa.”

“Marahil, sinusubok lang ng Panginoon ang ating katatagan bilang Kanyang mga anak. Sariwain din natin ang naging sakriprisyo ng Panginoong Hesus sa pamamagitan ng ating pagmamahal sa ating kapwa.  Ang sabi nga ng awit sa simbahan, ‘walang sinuman ang nabubuhay, para sa sarili lamang… Tayong lahat ay may pananagutan sa isa’t isa,” seryosong pahayag ni Go.

Pahabol ni Go, “For us to heal as one and recover as one, we must act as one!”  (30)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *