P3.4-M shabu kompiskado sa 4 suspek sa Quiapo

INARESTO ng mga operatiba ang apat katao matapos mahulihan ng aabot sa P3.4 milyong halaga ng hinihinalang shabu sa Quiapo, Maynila.

Kinilala ang mga naarestong suspek na sina Akmad Sumira Utawan, Jimmy Sangcala Imperial, Aminah Adam Macabato, at Norainma Ibta Cabugatan.

Sa ulat, isinagawa ang buy bust operation ng Philippine Drug Enforcement Agency (PDEA) sa Barangay 384.

Ayon kay PDEA Agent Christopher Basilio, matagal nang mino-monitor ang mga suspek dahil sa pagkakasangkot sa ilegal na droga.

Nasa kalahating kilo umano ang narekober na shabu mula sa mga suspek na dalawang lalaki at dalawang babae.

Nahaharap ang suspek sa reklamong paglabag sa RA 9165 o Comprehensive Dangerous Drugs Act o 2002. (VV)