NAMAHAGI si Navotas City Mayor John Rey Tiangco ng 70 laptop sa mga guro sa mga pampublikong paaralan ng elementarya at sekondarya para isulong ang paggamit ng information and communications technology sa klase.
Sumailalim ang mga guro sa seminar kung paano isasama ang ICT sa pagtuturo at paano gumawa ng pito hanggang 10 minuto na pinaikling lesson videos.
Namigay rin si Tiangco noong nakaraang buwan ng 320 smart TV sa lahat ng paaralan ng elementarya at sekondarya sa lungsod.
“Hangad namin na sa pamamagitan ng mga laptop at smart TV, makagagawa ang ating mga guro ng mga aralin na masaya, kawili-wili, at nakakaengganyo. Hangad din namin na magbi-gay ito ng inspirasyon sa ating mga estud-yante para mahalin nila at ikasiya ang pagkatuto,” aniya.
(JUN DAVID)
