Friday , January 27 2023

Diskuwento sa mga bakunado, inaprobahan sa Caloocan City

INAPROBAHAN ng Sangguniang Panlungsod ng Caloocan ang resolusyong hihikayat sa mga business establishments na magbigay ng diskuwento sa mga fully vaccinated individual.
 
Pinagtibay ng Sanggunian ang Proposed Resolution no. 11-570 na inihain ni Councilor Orvince “ConVINCEd” Howard Hernandez kasama sina councilors Vincent Ryan Malapitan at Majority Leader Edgardo Aruelo.
 
Alinsunod sa resolusyon, hinihikayat ang mga local business na magbigay ng diskuwento sa mga produkto at serbisyo sa mga nakakompleto ng bakuna laban sa CoVid-19.
 
Sa kanyang sponsorship speech, sinabi ni Hernandez, noon pang Marso nagsimula ang lokal na pamahalaan sa pagbabakuna sa mga residente ng lungsod upang unti-unting maibalik sa normal ang pamumuhay.
 
Sa loob ng apat na buwan, salaysay ni Hernandez, halos kalahating milyon pa lamang ang nabakunahan mula sa 1.1 milyong residente ng Caloocan.
 
Sa kasalukuyuan, may iilang business establishments ang kusang-loob na nagbigay ng diskuwento sa mga bakunadong customer.
 
Aminado ang milenyal na konsehal na kailangan pa ng ibayong pagsisikap upang mas marami pang mahikayat na magpabakuna gayondin upang bumalik sa 2nd dose ang mga nabigyan na ng 1st dose.
 
“Sa aming Facebook account ay isa-isa rin naming pinagsasalita o pinagagawa ng video ang ilang SK chairmen, barangay officials o HOA officers upang makahiyakat ng mga kababayan sa pagpapabakuna,” pahayag ng milenyal na konsehal.
 
Inilinaw ni Hernandez, hindi oobligahin ng lokal na pamahalaan ang business establishments sa takdang diskuwentong ibibigay at sa halip ay hihikayatin silang gumawa ng sariling gimik.
 
Pagkakataon na rin aniya ito para obligahin ng mga may-ari ng negosyo ang kanilang manggagawa para magpabakuna lalo ang mga itinuturing na essential workers.
 
“Kombinsido kami sa bakuna taob ang pandemya, kaya dapat ay maging kombinsido rin kayo,” giit ni Konsi Vince. (JUN DAVID)
 

About Jun David

Check Also

Krystall Herbal Oil, Krystall Nature Herbs

Tamang pagkain, body exercises pinagmumulan ng ‘chi’ sa ating katawan

Back to BasicNATURE’S HEALINGni Fely Guy Ong Dear Sis Fely Guy Ong,                Matagal na …

JC Santos BeauteHaus Beautederm Rhea Tan

JC Santos lalong naging guwaping, hiyang sa BeauteHaus ng Beautederm

ALAM MO NA!ni Nonie Nicasio NAPANSIN namin na mas naging guwaping si J CSantos sa …

AweSM Cebu Seaside

SM Seaside, your stage for extraordinary experiences

SM Seaside City Cebu transformed  itself into a colorful and festive destination for this year’s …

Krystall Herbal Oil

Hindi makatulog dahil sa pagkabalisa nilunasan ng Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Krystall Herbal Oil, Foot Cramps

Nanunuyo at nangangating talampakan lumambot sa Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Leave a Reply