WASAK NA WASAK ang bus ng Panda Coach Tours and Transport Inc., nang mawalan ng preno at bumangga sa poste ng koryente sa pakurbadang daan patungo sa Magnetic Hill, Peligrino Farm, Sitio Bayukan, Barangay Sampaloc, Tanay, Rizal. Patay ang driver ng bus na si Julian Lacorda, 37, at ang 14 estudyante ng Bestlink College Novaliches na nakatakdang mag-camping sa nasabing lugar. Umabot na rin sa 22 estudyante ang grabeng sugatan at nasaktan. (ALEX MENDOZA)

Biktimang kritikal nadagdagan (Sa Tanay bus tragedy)

hataw tabloid February 24, 2017 News

NADAGDAGAN pa ang bilang ng mga pasyenteng nasa kritikal na kondis-yon, makaraan ang naganap na trahedya sa bus sa Tanay, Rizal, ikinamatay ng 15 katao.

Ito ay dahil ibinalik sa Amang Rodriguez Hospital si Rico Melendez, inoperahan dahil sa intra- abdominal injury.

Ayon sa isang doktor sa naturang hospital, nasa stable na kalagayan ang biktima ngunit kai-langan salinan ng dugo dahil bumaba ang hemoglobin, posibleng dulot nang pagdurugo sa kanyang liver.

Ibinalik din sa pagamutan ang biktimang si Jover Sumugat nang biglang sumuka ng dugo at hindi nawawala ang pagkahilo.

Inaasahang lalabas na mula sa ospital ang i-lang pasyente ano mang araw.