NAGBIGTI ang 26-anyos lalaki nang bawiin ng kompanya ang motorsiklong matagal niyang hinuhulugan sa Zamboanga del Norte kamakalawa.
Kinilala ang biktimang si Danny Orot Capisnon, residente ng Brgy. Ramon Magsaysay Salug, ng nasabing lalawigan.
Pahayag ng live-in partner ng biktima na Jerryl Pakira Pandak, 22, dumanas nang matinding depresyon si Capisnon, posibleng naging dahilan ng pagpapakamatay.
Aniya, hindi na nakabayad ang biktima ng monthly amortization kaya binawi ng kompanya ang kanyang motorsiklo.
Sinasabing ibinenta ng biktima ang kanyang alagang baka upang gawing down payment sa motorsiklo kaya sobrang laki ng panghihinayang.
