HATAW! D'yaryo ng Bayan hatawtabloid.com
TODAS ang isang 60-anyos gunrunner makaraang manlaban sa mga awtoridad nang matunugan na parak ang napagbentahan niya ng baril sa Caloocan City kamakalawa ng gabi.
Hindi na umabot nang buhay sa Dr. Jose Rodriguez Hospital ang suspek na si Dominador Talusay, tubong Munoz, Nueva Ecija, at naninirahan sa 781 Orchids St., Bo. Concepcion, Brgy. 188 Tala ng nasabing lungsod.
Habang arestado ang dalawa niyang kasama na sina Rocky Luisma at Rizalino dela Cruz, kapwa nasa hustong gulang, at mga residente rin ng nasabing lugar.
Ayon sa ulat ni PO3 Gomer Mapalla, dakong 10:45 p.m. nang maganap ang insidente sa labas ng bahay ni Talusa.
Nabatid na nagsagawa ng buy-bust operation ang mga tauhan ng District Special Operation Unit ng Northern Police District sa pangunguna ni Supt. Edgardo Cariaso laban kay Talusay makaraan makatangap ng impormasyon hinggil sa ilegal na aktibidad ng grupo na gunrunning, drug pushing at carnapping.
Nagpanggap na buyer ang isang pulis ngunit nang makatunog ang suspek ay agad pinaputukan ang mga awtoridad.
Sa puntong ito, gumanti ng putok ang mga pulis na ikinasugat ni Talusan. Isinugod siya sa pagamutan ngunit hindi na umabot nang buhay.
( ROMMEL SALES )
