Anomalya sa ukay-ukay

KARAMIHAN sa mga nahuling kontrabando na mga naglalaman ng USED CLOTHINGS/ukay-ukay ay inilalagay for destruction or condemnation para hindi na rin pakinabangan. Lalo na ang fake shoes, hand bags at RTWS.

Ang ibang kontrabando naman na gaya ng BIGAS, ASUKAL ay isinusubasta para sa dagdag na revenue collections ng Bureau of Customs sa isang maayos na bidding process done by BOC Auction Division.

Kamakailan ay may issue na hindi maganda tungkol sa disposal ng mga ukay-ukay galing sa BOC-Port of La Union. Ibinigay at ini-award umano sa isang legitimate contractor for destruction ng Customs ang mga used clothing na dadalhin sana sa isang bodega sa Laguna for physical destruction.

Pero sa halip na destruction ay napunta umano ito sa MERKADO!?

Anyare!?

Hindi ba dapat ay under guard ng customs ito at  dapat din na may public viewing na masasabi kung ito ay sinira?

Bakit wala yata!? Isip-isip din ‘pag may time.

Ang tanong: sino ang nakapirma sa dokumento nito para mailabas for destruction sa Port of La Union?

‘E hindi naman puwede basta na lang ibigay sa contractor ng district collector without an official memo/letter coming from the Customs commissioner office para mailabas ito sa kanyang pantalan.

Ano kayo Hilo!?

Instead of destruction ‘e diversion ang nangyari sa mga banned item.

Ang kasong ito ay nakasalang ngayon for investigation ng Customs Intelligence Group under Gen. Jesse Dellosa.

Ito ay upang malaman kung sino ang nakapirma for authorizing the release of the illegal shipment.

Dapat malaman kung sino ang mga sangkot sa raket o scam na ito. Marami tiyak ang sasabit at kumita sa anomalyang ito.

Isa pang katanungan ay kung bakit nagtagal ang mga ukay-ukay sa Port of La Union na hinuli ng IG at  hindi nadala agad sa Manila for safe keeping?

Wala bang paglalagyan sa Maynila, kaya ibinigay sa isang contractor na may bodega sa Laguna?

Hindi naman kaya ang usapan is for safekeeping lang ito sa kanilang bodega at dito gagawin ang pagsira sa mga ukay-ukay?

Nasira ba naman o hindi?

Nasaan ang 2,300 bales na ukay-ukay?

Ang balita ay 300 bales na lang ang na-recover sa isang bodega na pag-aari ng isang partner ng contractor sa Laguna na under guard ngayon ng Customs IG.

IG DepComm Dellosa, isang malalim na imbestigasyon ang dapat gawin sa JPT EARTH Service Inc.