HATAW! D'yaryo ng Bayan hatawtabloid.com
HATAWAN
ni Ed de Leon
USAP-USAPAN na noong mag-celebrate ng kanyang birthday si John Lloyd Cruz, hindi lamang ang kanyang anak na si Elias ang kasama niya kundi maging ang kanyang girlfriend na painter, si Isabel Santos. Si Isabel ay isang kilalang painter na marami na ring obra na nanalo ng awards at apo ng sikat na artist at cartoonist na si Malang Santos.
Noon pa naman nabalita na nagkakamabutihan sila, pero dahil sa kagustuhan nila na manatiling pribado ang kanilang buhay, walang nagsasalita tungkol sa relasyon. Ang sinasabi pa nga nilang maganda, mukhang nakasuporta rin si Isabel sa pagiging isang actor ni John Lloyd hindi gaya ng iba na pinaalis siya sa kanyang career.
Hindi mo rin naman maikakaila iyan, dahil tingnan ninyo, si Derek Ramsay na siya namang naging asawa ni Ellen Adarna, tinalikuran din ang kanyang career ngayon. Makikita mo ang pattern.
Sabi nga nila mukhang mabuting influence at masuwerte si Isabel kay John Lloyd dahil matapos na mawala ng apat na taon, nakabalik pa siya sa kanyang career at ngayon ay top rater ang kanyang sitcom. Siguro nga masasabing suwerte, dahil nakalipat siya sa GMA, na ang kalaban namang ABS-CBN ay wala ngang prangkisa. Kung si John Lloyd ay nanatili sa ABS-CBN, hindi rin ganyan ang mangyayari dahil tiyak na ang kanyang show ay mailalabas lamang sa mga blocktime na slot ng ABS-CBN. Buti kung maisama pa siya roon sa simultaneous na inilalabas sa TV5, eh kung sa ZOETv lang, walang mangyayari. Kaya nga ang nangyari ngayon sa career ni John Lloyd ay masasabi nating bunga ng mahusay na desisyon at suwerte na rin.
Maganda naman at nasa ayos ang samahan ngayon nina John Lloyd at Isabel, kailan nga ba nila aaminin nang seryoso ang kanilang relasyon?
