Sharon manahimik muna, magtanim at mag-alaga ng hayop

HATAWAN
ni Ed de Leon

KUNG kami ang tatanungin, ang pinakamagandang damage control na magagawa ni Sharon Cuneta sa ngayon ay mag-lie low muna.

Hindi maganda ang naging pagsalubong sa kanya ng publiko nang humingi siya ng respeto at pang-unawa sa kanyang social media account. Ang sinasabi ng marami ay bakit siya humihingi ngayon ng respeto at pang-unawa na hindi niya naituro sa kanyang anak na hindi rin naman nagpakita ng respeto sa desisyon ng mayorya?

Iyan ang masakit basta “olat” ka. Lahat ng negative ay sasaluhin mo kaya ang pinaka maganda ay manahimik na muna at pabayaang humupa ang emosyon ng mas nakararami. Hindi mo masasabing tama ka eh, dahil tama ka man o mali, iibabaw ang sinasabi ng mayorya. Iyan ang

demokrasya eh.

Siguro dapat sundin na rin muna niya ang asawa niya sa ngayon. Magtanim muna ng gulay at mag-alaga ng hayop sa farm para makatulong pa sa bayan. Kung magpipilit siya sa diskusyon, talo lang siya at mas lalong babagsak ang kanyang chances na makabawi sa kanyang career. Naging “nega” eh.