Poging matinee idol, ‘di type ang GF na masyadong mahilig

SABI ng isa naming source, hindi naman daw bading ang dating sikat na poging matinee idol. Siguro nga raw ay tripper lang, kasi nga may bisyo. Siguro raw kaya nagkakaroon ng kakaibang trip at nakikipagpatulan sa male model-starlet na kilala namang pumapatol din sa kahit na sino.

Iginigiit ng aming source, hindi ang male model-starlet ang dahilan ng pakikipag-split noon ni pogi sa kanyang girlfriend. Siguro nagsawa na siya, o nasasakal na sa kanyang girlfriend dahil ”masyadong mahilig” iyon at minsan naiinis na rin ang dating sikat na poging matinee idol.

Iyon din siguro ang dahilan kung bakit minsan, ”sumusubok din naman siya ng kakaiba at hindi karaniwang putahe.”

Ganoon? (Ed de Leon)