Wednesday , April 2 2025

Vilma, Hilda, at Dawn, ‘di naglalagay para magka-award o mapuri

HINDI mo masusukat ang kahusayan ng isang aktres base sa mga lumalabas na press release o mga papuring alam na ninyo kung bakit. Hindi mo rin naman mapapalabas na magaling ka dahil nanalo ka ng isang award, dahil alam naman natin na rito sa atin may mga award na “nalalakad” kung hindi man “nabibili”. Hindi sa mga bagay na iyan nakikilala ang kahusayan ng isang artista dahil ano man ang sabihin, ang final arbiter pa rin ay ang publiko. Naniniwala ba sila na magaling ka?

Si Vilma Santos, bago pa man nanalo ng kanyang unang acting award, puwera siyempre iyong best child actress award na nakuha niya sa kanyang unang pelikula, ay kinikilala nang isang mahusay na aktres ng publiko, hindi lamang ng kanyang fans. Nanalo ng awards si Vilma, ilang beses pa nga siyang naka-grandslam, pero hindi nasabing “naglagay” siya o “nagbigay ng trip abroad” sa mga member ng mga award giving bodies para siya manalo. Hindi nasabing namigay siya ng pera para lang siya purihin ng press. Nakuha niya ang popularidad dahil sa suporta ng publiko, hindi lamang ng kanyang  fans.

Si Hilda Koronel, hindi naman madalas magkaroon iyan ng publisidad. Kung sabihin pa nga nila noong araw, may pagka-supladita iyang si Hilda. Pero pinupuri ang kanyang acting, at hindi siya kailangang magregalo para gawin nila iyon. Nanalo rin siya ng  awards, at hindi rin kailangang “maglagay” kasi nga magaling naman talaga siya.

Si Dawn Zulueta, sumikat iyang babaeng iyan nang hindi rin naman naglagay. Kaibigan namin iyang si Dawn ng napakatagal na panahon, pero ni minsan wala kaming nabalitaang kailangan niyang maglagay para magkaroon ng publisidad o manalo ng award.

Wala namang dahilan, napagkuwentuhan lang namin iyan dahil may mga naniniwala yata na kung “maglalagay” sila para manalo ng award ay made na sila. May naniniwala yatang magregalo ka lang nang magregalo susulatin ka ng lahat at sisikat ka na. In reality, sumikat ba?

HATAWAN
ni Ed de Leon

About Ed de Leon

Check Also

Marianne Bermundo The Philippine Young Faces of Success

Marianne Bermundo wagi sa Philippine Young Faces of Success 2025

MATABILni John Fontanilla PAREHONG wagi sa katatapos na The Philippine Young Faces of Success 2025 ang mag-inang Virgie …

Alden Richards VIVA

Alden tutuparin pangarap na maging piloto

MATABILni John Fontanilla ISA pala sa matagal ng pangarap ng Kapuso actor Alden Richards  at ng …

Nadine Lustre Go Vegan

Nadine certified vegan na, mas lumakas ang katawan

MATABILni John Fontanilla ISA ng certified vegan ang award winning actress na si Nadine Lustre. Pagbabahagi …

Maja Salvador Beautéderm Rhea Tan

Maja Salvador at Beautéderm CEO Rhea Tan may matibay na pinagsamahan, maalaga sa katawan

ALAM MO NA!ni Nonie Nicasio IPINAHAYAG ni Maja Salvador na ang pagiging close nila ng Beautéderm founder …

AC Bonifacio Ashley Ortega

Ashley pinanghihinayangan, nadamay daw sa ka-negahan ni AC

PUSH NA’YANni Ambet Nabus MALI ang hula ng maraming PBB supporters na dalawang lalaki ang mae-evict sa kauna-unahan …

Leave a Reply

Your email address will not be published. Required fields are marked *