Goma, na-enjoy ang bakasyon-abroad

MUKHANG aliw na aliw si Richard Gomez. Kasama niya ang kanyang asawang si Congresswoman Lucy Torres Gomez at ang kanilang anak na si Juliana sa abroad para sa isang bakasyon. Nasabay naman kasi iyon sa isang show para sa Philippine independence day na kasama siya. Naroroon na rin lang siya, eh ‘di mas mabuti ngang isama na niya ang kanyang pamilya.

Matindi rin namang pagod ang dinanas nilang lahat noong panahon ng kampanya at matapos lamang ang ilang araw pa, masasabak na naman sila sa trabaho. Si Lucy ay magbabalik na sa Kamara, samantalang siya ay mauupo namang mayor ng Ormoc. Hindi biro-birong trabaho iyan.

Mababawasan din naman ang atensiyon nila kay Juliana dahil sa rami ng trabaho. Kaya iyang bakasyong iyan, pambawi lang naman iyan.

HATAWAN – Ed de Leon