Saturday , March 25 2023
Albie Casiño

Albie dating kuntento sa paisa-isang trabaho

MAS focus ngayon sa trabaho si Albie Casiño. Ito ang iginiit ng aktor  sa grand mediacon ng Top Class: The Rose to P-Pop Stardom na ginanap sa Glorietta Activity Center noong Linggo ng hapon. 

Ayon kay Albie, kuntento na siya kapag kumita sa isang raket. Basta nakuha na niya  ang pambayad sa kanyang rent ng bahay, cellphone, at pang gas sa kotse, hindi na siya tatanggap ibang proyekto. Kumbaga eh, naging tamad siyang magtrabaho.

Pero ngayon, ibang-iba na siya. Hangga’t may trabahong dumarating tinatanggap niya kaya bukod sa pagiging abala sa pag-arte, pinasok na rin niya ang pagho-host na talaga namang ikinae-excite niya. 

Pagtatapat ni Albie, hesitant siya noong una na tanggapin ang hosting job dahil bukod sa kabado, first time niyang gagawin ito. Pero unti-unti na siyang nag-eenjoy sa pagho-host lalo na  rito sa Top Class ng TV5 na magiging daan para mahasang mabuti ang kanyang hosting skills.

Kaya naman nagpapasalamat siya sa TV5 at Cignal  Entertainment lalo na sa Cornerstone Entertainment sa pagpili sa kanya para maging co-host ng P-pop reality competition.

At bilang baguhang host ay isa sa pangarap ni Albie ang makapag-host ng isang beauty pageant, dahil iba ang dating niyon.

Makakasama ni Albie sa Top Class si Catriona Gray (main host) at silang dalawa ni Yukii Takahashi ang co-host ng beauty queen. Mga mentor naman sina KZ Tandingan (Vocal), Brian Puspos (Dance), at Shanti Dope(Rap). 

Ang 30 Top Class contenders ay binubuo naman nina Dean Villareal, Bulacan; EL Mendoza, Batangas; LX Reyes, Bulacan; Justine Castillon, Cavite; Kim Huat Ng, Bacolod; Harvey Castro, Bataan; Joshuel Fajardo, Kuwait; Gilly Guzman, Quezon City; Kenzo Bautista, Bulacan; Seb Herrera, Laguna; Denver Dalman, Cebu; Francis Lim, Caloocan; Trick Santos, Caloocan; Jascel Valencia, Manila; Tanner Jude, Quezon City; Jon Laureles, Spain; Clyde Garcia, Ilocos; Matt Cruz, Bicol; Timothy Tiu, Quezon City; Brian Zamora, Makati City; Jeff Cabrera, Cebu; Roj Concepcion, Bulacan; Jai Gonzales, Mandaluyong; Chase Peralta, Katipunan; Dave Bono, Tondo; Ash Rivera, Baguio; JC Dacillo, Bulacan; RZ Condor, Cebu; Niko Badayos, Bacolod; at Gab Salvador, Batangas.

Mapapanood ang Top Class: The Rise to P-Pop Stardom simula June 18 sa Kumu (daily streaming) at sa TV5 (tuwing Sabado). (John Fontanilla)

About John Fontanilla

Check Also

Ysabel Ortega Beautéderm Rhea Tan

Ysabel Ortega proud maging endorser ng Beautéderm, thankful sa kabaitan ni Ms. Rhea Tan

ALAM MO NA!ni Nonie Nicasio IPINAHAYAG ng Kapuso actress na si Ysabel Ortega na sobra …

TV5 HD

Kapatid viewing experience mas pina-level up sa TV5 HD

MAS malinaw at mas pina-intense pa ang panonood ng mga Kapatid viewer ng kanilang mga …

Tito Sotto Alden Richards Maine Mendoza

Tito, Maine, Alden matitirang host ng EB, Direk Louie, talent manager pasok din

MA at PAni Rommel Placente PINAG-USAPAN sa online show namin na Marisol Academy Tsika Tonite, hosted …

Gerald Anderson Julia Barretto Korina Sanchez 

Gerald tiniyak kay Korina: Julia pakakasalan

MA at PAni Rommel Placente SA guesting ni Gerald Anderson sa programa ni Korina Sanchez na Korina Interviews na umere sa Net25noong …

Ashley Ortega Xian Lim

Ashley guwapong-guwapo kay Xian

RATED Rni Rommel Gonzales FIRST time magkapareha sa isang TV project, ang Hearts On Ice ng GMA, sina Ashley …