HATAW! D'yaryo ng Bayan hatawtabloid.com
MATABIL
ni John Fontanilla
KILALANG-KILALA na ng dalawa sa hottest loveteam ng Viva na sina Rabin Angeles at Angela Mujiang isa’t isa, kaya naman wala na silang mga bagong nadidiskubre.
Tsika ng dalawa sa mediacon ng kanilang bagong series sa Viva One, ang season 2 ng Seducing Drake Palma, ang Dating Alys Perez, na adapted sa Wattpad story ni Ariesa Domingo aka BEEYOTCH. Directed by Crisanto B. Aquino, mapanood sa June 12, sa Viva One.
“Parang wala na po. Parang alam na po namin everything,” panimulang pahayag ni Angela.
“At sa every bonding naman po namin is always the same, wala naman pong nabago.
“’Yun ‘yung lagi naming inire-remind sa sarili namin na sana walang magbago, walang lumaki ulo, basta wala pong maligaw ng landas.
“Alway’s grounded pa rin kami and kabisado na po namin ‘yung isa’t isa.
“And there is nothing new naman na we discover, parang it’s always the same.”
Para naman kay Rabin, “For me naman po, wala naman po, kasi parang gets na namin ‘yung isa’t isa.
“’Yung parang ‘pag tiningnan niya ako, alam ko agad may kasalanan ako.
“’Pag tiningnan ko siya alam niya na, ‘yung parang naiintindihan na namin ‘yung isa’t isa.”
Ayon kay Rabin madalas silang nagkakatampuhan ni Angela. At kung sino ang may kasalan ay siya dapat ang mag-sorry para maayos ang kanilang tampuhan.
“Madalas po, pero tinatanggap po namin kaagad kung may kasalanan kami.
“At kung sino ‘yung may kasalanan, siya dapat ‘yung magso-sorry.
“Kasi hindi namin aayusin hanggang hindi nagso-sorry ‘yung may kasalanan.”
Sa Dating Alys Perez ay mas matured at kakaibang Rabin at Angela ang mapapanood.
Makakasama nila sina Zeke Polina, Ashley Diaz, Julienne Rosello, Mico Chua, Yumi Garcia, Frost Sandoval, Ethan David, Sara Joe, Rafa Victorino, at Gab Evangelista.
Excited na nga ang RabGel sa kanilang bagong project at thankful ang mga ito sa Viva sa mga magagandang proyektong binibigay sa kanila.
