Ronquillo balak bumalik sa PBA

MALAKI ang posibilidad na babalik sa pagiging head coach ng PBA ang dating mentor ng Formula Shell na si Perry Ronquillo.

Sa kanyang Facebook account, sinabi ni Ronquillo na bukas siya sa anumang alok na maging coach sa liga.

“I’ve been thinking and struggling with this for the longest time and I’ve finally made a decision. This is my make or break year. I will either be successful in making a comeback to basketball, in any capacity or I will finally make peace and say goodbye to it for good,” wika ni Ronquillo.

Nakabase ngayon sa Amerika si Ronquillo pagkatapos na sinibak siya ng Turbo Chargers pagkatapos ng 2003 PBA season.

Dinala ni Ronquillo ang Shell sa dalawang titulo sa PBA noong 1998 Governors’ Cup at 1999 Philippine Cup at dalawang beses siyang napili bilang Coach of the Year ng PBA Press Corps.

Naunang hinawakan ni Ronquillo ang Burger Machine sa PBL.

( James Ty III )