KINOMPIRMA ni Talk n Text coach Joseph Uichico na gumagaling na ang likod ni Ranidel de Ocampo at handa na siyang maglaro sa PBA Commissioner’s Cup na magsisimula sa Pebrero 10.
Matatandaan na biglang namanhid ang likod ni De Ocampo noong Oktubre pagkatapos ng ensayo ng Tropang Texters at isang laro lang ang tinagal niya sa Philippine Cup.
Bukod pa rito ay balik-TNT ang import nilang si Ivan Johnson.
Unang haharap ng TNT ang Blackwater Sports sa Pebrero 10 sa Smart Araneta Coliseum. ( James Ty III )
